«Os oito mitos de Palermo» chegaron a Espiral Maior Foro, en Carballo 

Non deben quedar no tinteiro citas coma esta de Espiral Maior Foro, en Carballo, que días atrás acollía a presentación da obra «Os oito mitos de Palermo», de Antonio Seijas, ilustrador, escritor, poeta, artista plástico. Canda el, Fernán Vello, Cristina Fiaño e Rosalía Fernández. «Falamos de mitos, de serpes, do imaxinal, da realidade última, de Valente, de María Zambrano, de Hillman, do abismo, das covas, da baixada ao inferno, de Bachelard, de Solzhenitsyn, de Parmenides, dos paporroibos e ata de Lacan. Desfrutamos a Rosalía musicando uns versos do libro. Falouse, en fin, do único importante na vida, o sagrado. Moi agradecido de corazón», trasladou o autor en redes. 

---

---

---