Atlantic Games en Carballo, robótica, ciencia e nutrición: máis citas para hoxe
CARBALLO MUNICIPIO
O mundo dos videoxogos dáse cita no edificio do Fórum, mañá e tarde e con inauguración ás 10.00 horas
10 abr 2026 . Actualizado a las 05:00 h.Tamén hoxe • Maiores de 40 anos e con importante peso feminino estrearon onte a programación da segunda Atlantic Games Conference de Carballo. Foi a véspera, o taller Tecendo píxeles: do dixital ao artístico, no Bodegón e a cargo de Marina González, mais o centro do programa desenvolverase hoxe e mañá no edificio do Fórum. A esta cita inicial acudiron tamén o alcalde, Daniel Pérez, e os ediles Daniel Barreiro (Mocidade) e Xosé Regueira (Promoción Económica), nomes que asemade estarán presentes hoxe na inauguración oficial (10.00).
Pode achegarse quen queira —de balde— á zona de estands do Fórum de 10.00 a 14.00 e de 16.00 a 19.30. En cada quenda haberá tres charlas e un taller, abordando moi diferentes aspectos dos vídeoxogos, o eixo desta Atlantic Games que codirixen Sara Pérez e Juan Martínez. Que se está facendo neste sector en Galicia e norte peninsular? Se quere sabelo, esta é a cita máis axeitada.
Obradoiros. Cita hoxe na biblioteca de Vimianzo, ás 17.30: robótica para rapaces de 10 a 12 anos. Outra, na biblioteca da Laracha: ciencia para maiores de 6 anos, parte do Mes o Libro. A última, unha charla sobre peso saudable e nutrición no centro de saúde de Carballo (12.30, inscrición previa no mostrador).