Estrea, esta noite, da obra de teatro «Territorio Regueifa», en Carballo
CARBALLO MUNICIPIO
Será ás 21.00 horas, no Pazo da Cultura. Una coprodución do FIOT, Ainé e Centro Dramático Galego
05 feb 2026 . Actualizado a las 20:10 h.21.00 horas • Pazo da Cultura de Carballo • Chegou o día de que a regueifa suba a o teatro. A improvisación oral feita dramaturxia. O Pazo da Cultura de Carballo acollerá esta noite, 21.00 horas, a estrea absoluta da obra Territorio Regueifa, coprodución do Festival Internacional Outono de Teatro carballés, Ainé e Centro Dramático Galego. A historia desta arte popular e o seu presente chegan ás táboas da man de tres regueifeiros devidos actores para a ocasión: Lupe Blanco, Josinho da Teixeira e Manolo Maseda. Os tres veñen traballando meses e meses ás ordes do director José Luís Prieto, para ser quen de amosar nun espectáculo todo aquilo que un ha de saber se quere ter a visión máis completa do que esta arte popular significa para Bergantiños e Galicia. Será, xunto coa presentación de Toponimia de Zas, de Xosé María Lema (20.00 horas, Baio), a gran cita da velada na comarca.
Os interesados en acudir á estrea teatral poden facerse coas últimas entradas en ataquilla.com, ou ben dende 90 minutos antes na billeteira física do Pazo da Cultura, de quedar. Os que non poidan acudir hoxe a Carballo, e lles preste, terán mañan unha nova ocasión de vela, neste caso na localidade de Redondela.