O Abaladoiro | Así conmemorou o centro educativo a data das Letras Galegas
23 may 2023 . Actualizado a las 05:00 h.«Temos a sorte de que o alumnado do IES Monte Neme é maioritariamente galegofalante, pero é moi preciso reivindicar o Día das Letras Galegas e concienciar sobre a necesidade de seguir utilizando a lingua que nos fai únicos, e que, coma as plantas, hai que regar todos os días». Así remata Alberto Liñares, membro do equipo TIC deste instituto carballés, o seu relato do feito no centro arredor do 17 de maio. A capital de Bergantiños, da man da UDC, traballará este verán a lingua través do lecer, algo que precisamente fixeron no Monte Neme armando dentro do Club de Ciencia, por exemplo, un concurso de Cifras e Letras con alumnado de primeiro da ESO. Gañou o grupo B e levaron libros como galardón. Clausuraron o certame co Himno, tomando parte nel estudantes e profesorado.
Doutro lado, alumnos de cuarto da ESO decoraron o corredor con imaxes acompañados de haikus de creación propia, por suposto en idioma galego, e a iso haille que sumar o recital de poemas que chegou da man dos de segundo de secundaria, que ademais lembraron por que se celebra o Día da Letras Galegas o 17 de maio.
