Apunte esta data: o 12 de maio será a estrea
28 abr 2023 . Actualizado a las 01:07 h.O Concello de Carballo, a través do Servizo de Normalización Lingüística e grazas á colaboración do tecido asociativo local, segue a estender a Escola da Regueifa por todo o municipio. O día 12 de maio chegará a Lema, concretamente, ó centro social, a partir das 19.00 horas. Ás entidades Nemeth, Escola do Alprende, As Landras e Casino 1889 sumouse agora Ría de Lema.
Como de costume, a sesión estará aberta a toda a veciñanza carballesa, tanto aos regueifeiros e ás regueifeiras que queiran ter un lugar no que practicar esta arte, como para as persoas que busquen iniciarse ou que simplemente desexen escoitar. As xuntanzas celébranse quincenalmente, os venres alternos, nas sedes dos distintos colectivos. As agrupacións que queiran conformar a rede poden contactar ao departamento.