O recuncho de Juan Carlos Díaz del Valle | Un espazo de harmonía emocional

Juan Carlos Díaz del Valle

CARBALLO MUNICIPIO

ANA GARCIA

«Cústame moito quedarme cunha soa experiencia, o que mostra o afortunado que son polas vivencias e a compañía que compartín na miña vila», escribe o psiquiatra Juan Carlos Díaz del Valle

12 sep 2021 . Actualizado a las 23:14 h.

No momento en que comezo a escribir cústame moito escoller entre todos os recunchos e lugares especiais da miña vida en Carballo, vila onde vivo dende 1965.

O primeiro que me vén á cabeza é a o edificio da actual Abanca, en especial o oitavo esquerda, que foi o meu primeiro piso familiar cos meus pais e a miña irmá Mari Nieves. Outro recanto referente foi o meu primeiro e único centro educativo, o Colexio Academia LEUS, onde estudei o terceiro grao da Enciclopedia Álvarez e, máis tarde os sete cursos de bacharelato, ata xuño de 1974, tempo no que tiven o privilexio de gozar coa docencia de profesores que foron un exemplo de vida e ensino, coma a señorita Visi, don Jesús Carracedo e Virginia Fuentes, entre outros e, se mo permiten, o meu pai, Julián.

Paralelamente, xurdiu algo que transformou a miña vida en diversos aspectos, como foi a chegada a Carballo dun novo párroco en 1972, José García Gondar, que promoveu a creación dun espazo social na parroquia onde nacería Vidas Alegres.