O proxecto Punta e Coma despídese da capital de Bergantiños, mais segue Eva Cameán neste novo rumbo
20 mar 2021 . Actualizado a las 05:00 h.A libraría Punto e Coma vén de pechar unha etapa en Carballo, onde nos últimos anos funcionou dende a céntrica rúa Valle Inclán. Este espazo para optimistas, como así se definiu sempre, deu a coñecer, no entanto, o nacemento de Clarión Libraría, «un novo proxecto cheo de xuventude, talento e ilusión». A súa responsable será Eva Cameán, quen ata o de agora traballaba xa en Punto e Coma. Colle o temón do que avanzan como «espazo de cultura e beleza, situado no mesmo local, mais con moitas novidades». «Sabemos que con ela Carballo vai ter a libraría que merece Bergantiños. Pedímosvos que apoiedes a nova etapa e que sigades confiando na sabedoría e profesionalidade de Eva», din dende Punto e Coma, que agradecen a confianza destes anos. Dende hoxe ata o 29, o espazo estará pechado.