Os gaiteiros, fieis portadores da tradición

Sete grupos chegados dende toda a Costa da Morte participaron na quinta edición do Festifolk

Trubisquiña (Vimianzo)
Trubisquiña (Vimianzo)

Carballo / LA Voz

Dende Baio, Zas, O Couto (Ponteceso), Borneiro (Cabana), Berdillo (Carballo) e Vimianzo chegaron os gaiteiros que o sábado se sumaron á quinta edición do Festifolk Costa da Morte, coordinado conxuntamente polo Concello de Carballo e La Voz de Galicia e co patrocinio do Grupo Calvo. Pandeireteiras Sen Fronteiros abrían a xornada dende unha carpa ateigada de público, e Treixadura poñía o punto e final á xornada cun concerto máis que sensacional, pero os verdadeiros protagonistas foron eles: os nosos gaiteiros, pandeireteiros e tamborileiros que, incansables, levaron con esmero a súa música polas rúas de Carballo, e coa tradición por bandeira.

Arume (Berdillo, Carballo)
Arume (Berdillo, Carballo)
O Son do Castro (Borneiro, Cabana)
O Son do Castro (Borneiro, Cabana)

Por eles, precisamente, son os gardiáns da herdanza cultural dos antepasados. Sinalábao Paulo Nogueira tras recibir o recoñecemento do Gaiteiro de Honra 2019 (compartido con Magoia Bodega e Xaquín Xesteira): «Ser gaiteiro é unha forma de estar no mundo. Existe a gaita en moitas culturas de mundo, pero como a nosa, ningunha. Ser gaiteiro implica, ademais, unha gran responsabilidade, pois estamos a transmitir a nosa cultura». As súas verbas foron tan compartidas por parte do público presente como aplaudidas as chegadas de cada grupo á Praza do Concello: o sábado, eles eran os heroes.

Inllar (O Couto, Ponteceso)
Inllar (O Couto, Ponteceso)
Trubisquiña (Vimianzo)
Trubisquiña (Vimianzo)

Arume, O Son do Castro, Inllar, Adro, Trubisquiña, Churía e a Banda Municipal de Gaitas de Carballo. Nomes propios que resoaron con forza na Praza do Concello carballesa, pero que tamén o fixeron durante o percorrido que os levou por varias rúas do casco urbano. Alí por onde pasaron deixaron a súa pegada, espertando a curiosidade de quen con eles se topaba e mesmo arrancándolles algunha que outra melodía.

Millo Miúdo, de Adro (Baio)
Millo Miúdo, de Adro (Baio)
Churía (Zas)
Churía (Zas)

Xa na rúa Colón, a piques de finalizar o percorrido, os membros de Pan Sen Fron acompañaban a voz aquelas pezas recoñecibles mentres gozaban da súa merenda. A súa actuación xa rematara, máis o amor pola música tradicional non comprende de horarios ou de vestimentas. Síntese, e punto.

Banda Municipal de Gaitas de Carballo
Banda Municipal de Gaitas de Carballo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Os gaiteiros, fieis portadores da tradición