Maior participación feminina na 14.ª Praza dos Libros carballesa

Recoñecidos autores pasarán pola localidade entre o 11 e o 14 deste mes


Carballo / La Voz

Carballo acollerá entre os días 11 e 14 de xullo a décimo cuarta edición da súa Praza dos Libros. O encontro non só se integrará de presentacións e firmas de libros por parte de recoñecidos autores galegos e da zona, senón que ademais levaranse a cabo numerosas actividades de carácter cultural, como concertos, obradoiros infantís ou unha visita guiada polos principais proxectos de recuperación urbana a través da arte.

Nestas xornadas da Praza dos Libros, na que participan sete librarías e dúas editoriais, haberá descontos do 10 % nas publicacións e un sorteo diario no que se poderá participar cos boletos repartidos con cada compra. Ademais, o xoves pola mañá, con cada adquisición de obras, regalarase unha lata de atún Calvo -colabora a Fundación Luís Calvo-, e o domingo pola mañá unha peza de pan de Carballo.

Durante a súa presentación, o alcalde, Evencio Ferrero, agradeceu ás librarías e editoriais a súa participación, destacando a importancia da realización de actividades como esta para que «en todas as casas continúe habendo libros e que os máis novos sigan próximos a eles».

Tamén destacou a ampla presenza feminina nesta edición, tanto por parte das representantes das librarías como das escritoras, así como da pregoeira, María Reimóndez, á que se referiu como «unha gran referencia da literatura galega». As librarías participantes agradeceron a oportunidade que se lles brinda coa Praza dos Libros, posto que para supón un escaparate do traballo e do que ofrecen ao longo do ano.

Xoves 11

  • 11.00 horas. Comezo da Praza dos Libros.
  • 12.30 horas. Pregón de María Reimóndez. Actuación da Banda de Gaitas de Carballo.
  • 18.30 horas Infantil. Concerto de presentación do libro-disco «A nena e o grilo máis aló», de Magín Blanco.
  • 20.00 horas: Conversa de autoras entre María Canosa e Concha Blanco, que falarán sobre as súas obras «Caderno de lúas» e «Macedonia de versos». Modera o xornalista Santiago Garrido.
  • 21.00 horas: Presentación do libro «As mulleres da fin do mundo», de Daniel Asorey. Presenta Manuel Rey Pan.
  •  Durante toda a mañá do xoves, pasarrúas infantil sobre o libro «A música da auga», de Anxo Moure, con Servando Barreiro.

Sábado 13

  • 11.00 horas. Infantil. Obradoiro a cargo de Manel Cráneo de iniciación á banda deseñada a través da súa metalinguaxe.
  • 11.30 horas. Presentación de «Diario sen datas dunha aborixe galega», de Diana Varela PuñalInfantil. Presenta Fernando Cabeza Quiles. Concerto de presentación do libro-disco «Cores, contos e Rock’N’Roll», de Pakolas.
  • 19.30 horas. Firma de libros por parte de Alberto Varela Ferreiro, Xan Fraga, Isabel Villanueva, Miguel A. Alonso Diz e Laura Tova, Fernando Calvo Trincado e Xabier Maceiras.
  • 20.30 horas. Visita guiada polos murais do proxecto de recuperación urbana a través da arte, Derrubando Muros e Rexenera.
  • 21.00 horas. Festifolk con desfile de grupos de gaitas e concerto de Treixadura.

Venres 12

  • 12.00 horas. Infantil. Presentación do libro «Cociñando con bolboretas no bandullo», de Diana Fernández e David DíazObradoiro con prazas limitadas «Non podo vivir sen voar: quero bolboretas no bandullo». 
  • 18.30 horas. Infantil. Concerto presentación de «Canta miña pedra, canta: homenaxe a Antonio Fraguas» e «A casa do terror», de Xoán Curiel e a Banda do Verán.
  • 20.00 horas. Presentación de «Infamia», de Ledicia Costas. Presenta Rosalía Fernández Rial.
  • 21.00 horas. Presentación de «Unha historia da Música en Galicia 1952-2018», de Fernando Fernández Rego, con intro musical de Juanjo Vales e Andrés Rey. Presenta Francisco Castro.
  • Cambio de ubicación do Curruncho Pop á Praza dos Libros.

Domingo 14

  • 11.00 horas. Presentación de «Nas cortinas do tempo», de José Antonio Andrade.
  • 12.00 horas. Presentación de «Contra todo isto» e «Vivir sen permiso e outras historias do Oeste», de Manuel Rivas. Presenta Xosé Ameixeiras, delegado de La Voz.
  • 13.00 horas. Sesión vermú con Aldaolado.
  • 18.30 horas. Infantil. Concerto de presentación do libro-disco «Paio e o poder da música», de Oviravai.
  • 20.00 horas. Presentación de «As Ramonas», de Ana Cabaleiro. Presenta Mercedes Queixas.
  • 21.00 horas. Presentación de «Un peixe no parqué», de Ramón Vilar Landeira.
  • 22.00 horas. Remate da Praza dos Libros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Maior participación feminina na 14.ª Praza dos Libros carballesa