Carballo: «Todo se enfoca ao centro, o rural está desaparecendo»

Paula María Rey Gómez naceu hai 40 anos na parroquia carballesa de Rus (lugar de Barís), pero vive na de Berdillo, onde é empresaria de hostalería e está a cargo dun coñecido bar. Delineante industrial de formación, xa ten unha certa experiencia política municipal (empezou en Terra Galega, onde formou parte das súas listas), e, de feito, na actualidade é membro da executiva galega de Compromiso por Galicia (CxG), pero é a primeira vez que se presenta a unhas eleccións como cabeza de lista.

Nesa experiencia o máis destacado é que, no ano 2012, ocupou o oitavo posto da lista de Compromiso por Galicia ás eleccións autonómicas. Naquel tempo tiña unha compañeira da comarca na lista, Balbina Gándara, de Vimianzo, que ía no 16. Onte explicou o seu traballo e as súas inquedanzas en Radio Voz Bergantiños

-Como ve a situación de Carballo tras os últimos catro anos de mandato?

-Véxoa un pouco parada. Está todo bastante parado en temas de comercio, rural... Tiña que haber un pouco máis de movemento en canto a traballo, que non o hai. Dinamizar o comercio... Vexo todo moi enfocado ao centro, e o rural está case desaparecendo.

-Cales son as liñas mestras do seu programa de cara ás municipais?

-Nós enfocámonos basicamente no benestar social. E para iso, para nós, o importante é que haxa suficiencia económica. Crear emprego, tanto no eido rural como no urbano, dinamizando o polígono industrial, e unha vez que iso funcione, o resto vén só. Apostamos basicamente polo rural.

-Que a levou a vostede a encabezar esta proxecto en Compromiso?

-En parte non foi moito decisión miña, senón dos compañeiros de partido. CxG estase creando nesta parte de Bergantiños, en Carballo. Eu era a que levaba máis tempo vinculada, levo xa dous anos con eles. Ademais estou na executiva nacional de Compromiso, e pensaron que eu era a persoa máis indicada para encabezar a lista de Carballo.

A favor ou en contra

Cadea perpetua revisable: Que os xuristas digan

Aborto: Como está a lei agora

Investigados nas listas: Sen sentenza, sen problema

Traslado de restos de Franco: Problema dos de Madrid

Referéndum Cataluña: O de Cataluña é cousa deles

Acollida refuxiados: Si en países con recursos

Eutanasia: A favor

Cambio lei violencia xénero: Igualdade ao 100 % entre persoas

Prohibición fumar praias e piscinas: A favor

Casco urbano a 30 km/h: Sinalización progresiva

Preferencias

A que hora se ergue? Sobre as 7.00

Que almorza? Un café con leite

Prato preferido: Todos

Que non comería? Nada

Bebida preferida: Auga

Equipo de fútbol: Deportivo

Que coche ten? Un Kia

Unha afección: Pintar

Un lugar: Serra da Capelada

Que tarefas de fogar realiza? Todas

Artes e letras

Escritor favorito: Ningún, non me gusta ler

Último libro que liu: Os obrigados no instituto

Última película que viu: Non vexo

Un artista: Antonio Orozco

Un actor: Sen preferencias

Unha actriz: Tampouco

Un cantante: Orozco

Tipo de música: Toda, sobre todo rock

Deporte que practica: Zumba, pilates, ando

Unha viaxe pendente: Non. Cando teña tempo...

A lista

 1. Paula María Rey Gómez

2. Ismael Varela Fuentes

3. Óscar Pena Nieto

4. Constantino Cotelo Mato

5. Diana Vázquez Bermúdez

6. José Manuel Abelenda Martínez,

7. María Mónica Regos Casal

8. Isabel Chico Doclot

9. María Merced Gómez Rama

10. José Manuel Varela Cornide

11. Anxo Manuel Franco Vidal

12. Miguel Sánchez Sánchez

13. Vanesa Goyanes Gómez

14. José Manuel García Vázquez

15. Benigna Vázquez Blanco

16. María del Sagrario Gómez Rama

17. Elena Gómez Ferreiro

18. Alberto Suárez López

19. Manuel Sánchez Sánchez

20. Adelaida Portela Martínez

21. Carlos Martínez Vigo