«Estamos na Rúa dos Contos, iso si que o imaxino, a nós tócanos cantar, hoxe á unha no Casino»

Lupe Blanco volve a analizar a semana en clave retranqueira: ¡regueifa!


E máis teño unha peniña

e non vou quedar calada

que por culpa de aparcar

anda a xente a puñaladas

Foi aló no Carrefour

haiche ben pouca cordura

un marchou para o hospital

outro en busca e captura

Tampouco foi moi bonito

que non queda no olvido

por aló por Coristanco

fan os plenos sen sentido

Enchen a grada de xente

pasa desde hai un ano

ir ó pleno a Coristanco

é coma un circo romano

Pasade para o mes que vén

e vedes como é o conto

xa debía estar prohibido

por ter feras abondo

Arranca o FIOT en Carballo

niso si que non me engano

pois aló en Coristanco

hai teatro todo o ano

Menos mal gracias a Deus

que hai cousiñas mellores

noraboa ó FIOT

por ser tan emprendedores

Vinte e sete anos mallando

pasan das vodas de prata

hai que chegar ós cincuenta

que tampouco queda nada

Estamos na Rúa dos Contos

iso si que o imaxino

a nós tócanos cantar

hoxe á unha no Casino

E se falamos de anos

xa van seis daquela festa

volvemos con outro xuízo

da Operación Orquesta

Pois leva moita demora

co que levan esperado

moito bombo ao primeiro

e agora nin imputados

Pero que actúe a xustiza

diso sábenche moi ben

eu aquí xa me despido

ata a semana que vén

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Estamos na Rúa dos Contos, iso si que o imaxino, a nós tócanos cantar, hoxe á unha no Casino»