«Non lle imos dar máis voltas, ten mellor prezo a cigala»

Moi bos días carballeses

creo que é boa maneira

neste día da cachela

para vos vai a regueifa

Empezastes xa a festa

e a noria está ausente

o que nos preocupa agora

é a falta de corriente

Para iso hai electricista

que sabe ben o que fai

podedes estar tranquilos

que un enchufe sempre o hai

A festa xa deu comezo

eu xa sei como é o conto

para quen vaia traballare

tamén son días abondo

E para os que temos descanso

que está ben que eu o diga

sonche días moi propicios

para rascar a barriga

Vamos ir daquela á praza

que a sardiña non vai mal

para mercar uns quilos delas

xa fai falta un aval

Eu recomendo unha cousa

se a gana hai que quitala

non lle imos dar máis voltas

ten mellor prezo a cigala

Coidadiño coa cachela

xa vou farta de avisar

non vos veñades arriba

coas ganas de saltar

Que nos poñemos content@s

despois dun par de cervezas

e vemos todo moi fácil

como se foramos atletas

O que si que hai que ire

e iso non nos fai mal

é pasar polas cunetas

polas herbas de San Xoán

A receita é sinxela

e pódea facer calquera

tampouco precisas alpaca

como para encher a bañera

Deixas reposala á noite

para que estea ben fresquiña

e mañá pola mañá

tes que lavar a cariña

Eu xa vos dei os Concellos

que valen para calquera ano

disfrutade do San Xoán

e máis dos Café Quijano.