Premio da Cultura Galega para o proxecto Apego, de selo carballés

En representación dos 30 concellos hoxe participantes na iniciativa, foi recollido onte o galardón na gala da Cidade da Cultura, en Santiago

.

Carballo / La Voz

A Cidade da Cultura de Santiago acolleu onte a gala de entrega dos Premios da Cultura Galega, outorgados pola Xunta, e nos que, na categoría de Lingua, o galardón foi parar ao proxecto Apego. A iniciativa, con tres anos de percorrido, naceu na factoría de ideas do curso de verán de dinamización lingüística que se celebra en Carballo. Apego ten como fin incentivar e facilitar a socialización en galego das nenas e os nenos desde a primeira infancia. Hoxe en día, é desenvolvido dende os servizos de normalización lingüística de 30 concellos galegos, e ademais con recoñecido éxito, tal e como amosa o nivel de asistencia das moitas actividades programadas en Carballo, así como o grao de implicación familiar. Na gala de onte , con representantes dos municipios todos, estiveron, pola banda de Carballo, o alcalde, Evencio Ferrero, e mais o técnico de normalización lingüística, Nel Vidal.

Non será este o único recoñecemento que Apego reciba esta semana, en tanto que tamén resultou merecedor do Premio Rosalía de Castro de Lingua da Deputación da Coruña: a entrega será mañá, ás 17.00 horas, en Bergondo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Premio da Cultura Galega para o proxecto Apego, de selo carballés