«O custe do rescate da peaxe da AG-55 é de 250 millóns de euros»

Manuel Rey, A. L.

CARBALLO MUNICIPIO

Ethel Vázquez afirma que a AG-55 é unha das autopistas máis baratas de España.
Ethel Vázquez afirma que a AG-55 é unha das autopistas máis baratas de España. sandra aLONSO

La conselleira di non estar disposta quitarlle esta cantidade á sanidade

09 sep 2015 . Actualizado a las 12:11 h.

A conselleira de Medio Ambiente, Territorio e Infraestructuras, a pontecesá Ethel María Vázquez Mourelle (1972), amousou onte en Radio Voz Bergantiños a súa satisfacción por abrir, despois de dez anos de xestións, Carballo ao plan de transporte metropolitano. O vindeiro luns, os veciños de Carballo terán importantes descontos para viaxar a A Coruña, pero tamén para moverse pola cidade e por outros municipios próximos, algo que teñen desde hai xa algún tempo os residentes en A Laracha e Cerceda.

-Sen dúbida, unha nova moi importante para os veciños de Carballo.

-A partir de hoxe (onte para o lector), os veciños de Carballo poden adquirir en cinco oficinas de Abanca do municipio as tarxetas do transporte metropolitano que lle permitirán acceder a partir do luns a descontos de máis dun 30% nos seus desprazamentos en autobús ata a Coruña. E poden incrementarse as vantaxes se son usuarios recorrentes con máis de 40 viaxes, con descontos adicionais, e tamén se son familias numerosas. Hai outra vantaxe importante, que é a conexión co autobús urbano. O transbordo neste caso é gratuíto. Iso permitirá que os descontos globais podan chegar a ser do 43%.

-É posible, logo, a conexión gratuíta co transporte urbano na Coruña.

-O veciño de Carballo que utilice o autobús urbano e o interurbano, hoxe, ten que pagar 5,36 euros, 4,5 son por viaxar ata A Coruña, ao que hai que engadir 85 céntimos urbano se se fai con tarxeta metropolitana. A semana que vén, coa tarxeta que xa se pode xestionar só pagará 3,13 euros e o transbordo será subvencionado pola Xunta de Galicia. Estamos a falar de que os veciños de Carballo poderán desprazarse á Coruña cuns aforros medios de 1.000 euros ao ano.