«Este documental é unha historia a base de testemuñas»

Onte presentouse en Carballo «Angrois no esquecemento», un traballo do colectivo Lentes Diverxentes

.

Unhas trinta persoas achegáronse onte ata a Biblioteca Rego da Balsa de Carballo para ver o documental Angrois no esquecemento, un traballo de algo máis dunha hora sobre o accidente de tren do 24 de xullo. A peza fai de altofalante -a través dunha vintena de voces de vítimas, familiares, profesionais dos servizos de emerxencias e veciños que colaboraron no rescate- das vivencias persoais e dos interrogantes que quedan sobre a traxedia. «La incertidumbre es dolorosa, más incluso que la propia pérdida», conta por exemplo Aurora Rozadilla, psicóloga. «No me lo puedo creer. ¿Cómo me va a tocar una cosa de estas?», pregunta unha familiar. «Mi padre fue el número 73», di outra. Angrois no esquecemento é obra do colectivo Lentes Diverxentes. Do guión e a dirección encargáronse Emilio Carral e Susana Suárez Recouso; da imaxe, Marcos Budiño e Fran Piñeiro. Onte estaban en Carballo Fran, Emilio e Susana. Esta última interveu horas antes da proxección en Radio Voz Bergantiños. Hai moitas cousas por saber do que pasou en Angrois, contou. Impactounos moito, pero hai un despois, que é co que hai que loitar. Algunhas das palabras de Susana:

-¿Que se sente cando por fin remata un traballo deste tipo e ve o resultado?

-A sensación é boa, despois dun traballo duro, sobre todo emocionalmente, polo que supón achegarse á xente que viviu tan de preto a traxedia. Foi reconfortante atoparnos coas vítimas e ver que a eles lles gusta que a súa historia e as súas reclamacións estean recollidas. Un traballo coma este marca, aínda para aqueles que estamos en contacto coa información diaria, en contacto con xente que sofre moitas cousas.

-Hai testemuñas de vítimas, profesionais... ¿Que ó que se denuncia?

-Neste documental quen fala son as vítimas, é unha historia construída a base de testemuñas, onde cada quen conta case o que quixo contar. Hai dende vivencias persoais e recordos ata esixencias de que se saiba a verdade, se esclarezan as cousas e para que se constitúa unha comisión de investigación política para esclarecer o que pasou e por que pasou.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

«Este documental é unha historia a base de testemuñas»