Xincana, conto musical ou talleres en Camariñas polo 17 de maio

La Voz CARBALLO / LA VOZ

CAMARIÑAS

A contadora Charo Pita MARTINA MISER

O Concello tamén deu a coñecer este sábado o seu programa para as Letras Galegas

08 may 2022 . Actualizado a las 00:32 h.

Non só Carballo deu a coñecer este sábado a súa programación en torno ás Letras Galegas. Tamén o fixo o Concello de Camariñas, que concentrará as actividades entre o 16 e o 19 de maio. Será así:

Luns 16 de maio. Ás 16.00, na biblioteca, xincana para 25 nenos e nenas a partir de 8 anos. É preciso reservar praza en cultura@camarinas.net ou ben no teléfono 665 134 490.

Martes 17 de maio. Ás doce do mediodía, entrega de premios do Certame Letras Galegas. Quen o desexe poderá poñerlle cor á figura do escritor homenaxeado este ano, Florencio Delgado Gurriarán. Actuará ás 12.30 o grupo musical Breogáns.

Mércores 18 de maio. Ás 11.00, contada musical A formiga na barriga, de Charo Pita, para bebés de 0 a 3 anos.

Xoves 19 de maio. Ás 16.00, na biblioteca municipal, levarase a cabo Papelarte, un obradoiro de esculturas de papel impartido por Electra Menéndez Muñoz. Proposta para nenos e nenas a partir de 4 anos, previa reserva de praza no teléfono indicado.