Don Camilo e Pepone


Giovannino Guareschi é o autor das célebres liortas entre de Don Camilo e Peppone, un crego e mais un alcalde comunista na Italia posterior á II Guerra Mundial. Claro que Guareschi acababa sempre deixando mellor parado ó clérigo có mandatario, como cristán e anticomunista que era. Aínda así, a Peppone adobiáballe un corazón de ouro, pero o bo xuízo estaba case sempre do lado do cura. Na nosa bisbarra ten habido célebres disputas entre sacerdotes e alcaldes nos últimos decenios. En Camariñas houbo un tempo no que ata tres párrocos pleitearon co Concello. Mesmo moitos veciños acabaron durmindo na catedral de Santiago polos enfrontamentos entre relixión e política. Noutros lugares ten habido guerras soterradas. Tampouco se llevaban alá moi ben un cura de Brens e un dos rexedores que mandaron longo tempo en Cee, con homilías incendiarias incluídas. Claro que o finado Andrés Rodríguez tiña experiencia nos asuntos municipais, pois chegou a ser concelleiro. Hai xa tempo que entre a Igrexa e os consistorios hai paz, tal vez pola boa vontade das partes. O clima nos últimos tempos é benigno. Mesmo chama a atención como en Carballo o alcalde acode con asiduidade á chamada do párroco de San Xoán. As loitas tipo Don Camilo e Peppone levan un tempo esquecidas neste recuncho, se ben hai rexedores que se queixan dos cregos pouco dados á colaboración e a ceder terreos para instalacións públicas. E agora veñen en Baio co rurrún de que non houbo misa na Carballeira. A ver se van ter que facer un referéndum como en Fisterra.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Don Camilo e Pepone