Logo do seu concerto en Paiosaco, quédanlle citas na Costa da Morte en Zas ou en Malpica. Tamén en Guísamo
08 jul 2026 . Actualizado a las 05:00 h.Aló a comezos do mes de xuño a presentación da programación completa do festival da Carballeira de Zas —7 e 8 de agosto— traía a ledicia de coñecer todo o menú deseñado, moi intenso, mais tamén o sabor amargo da anunciada despedida de Radio Cos. Así o avanzaba un dos seus integrantes, Xurxo Fernandes, cofundador da agrupación xunto con outro nome e rostro ben querido nestas terras de Bergantiños, o de Quique Peón: «Quizais a última ocasión para ver xuntos a Radio Cos», dixera Xurxo.
Mais por fortuna o verán é logo e tamén agranda a súa despedida dos escenarios. Foi este pasado domingo cando puido gozalos o público da Feira das Cereixas de Paiosaco, dándolle o remate a unha calurosísima xornada. E por diante aínda hai algunha que outra data: a propia Carballeira de Zas (8 de agosto), Malpica (14 de agosto), Guísamo Folk (22 de agosto) e nada menos que Bruxelas para o 20 de setembro. A de Radio Cos, logo de lustros de bo facer xuntos, será unha despedida en harmonía, camiños que collen rumbos distintos, mais que seguirán enriquecendo aos seguidores dos seus xeitos de cantar e tocar.