«O Día da Bici gústame vivilo por dentro»

A edila de Deportes, Patricia Bello, revela todos os detalles da cita ciclista que chega este domingo a A Laracha

.

Carballo / La Voz

O Día da Bicicleta, organizado por La Voz de Galicia e Radio Voz, chega este domingo ás 11.00 horas a A Laracha. Pero antes, a edila de Deportes, Patricia Bello, revela todos os detalles.

-O Día da Bici do seu Concello ten a fama de ser dos máis multitudinarios.

-É un día no que se unen moitas familias para gozar do ocio. Un recorrido sinxelo que favorece que moitos pais e avós veñan cos seus fillos. Iso é o máis bonito. Non é unha competición deportiva senón un paseo, e xa por iso poñemos un autobús ó remate para que, a quen se lle faga demasiado regresar pedaleando, o faga descansando.

-Como é posible que cada ano vaia a máis?

-Porque a afección á bicicleta está crecendo día a día. Vas pola estrada e atópaste con un ciclista cada 5 pasos. Entón, ese incremento tradúcese nunha maior participación no Día da Bici. Tamén o feito de que haxa 5 clubs ciclistas no municipio inflúe, xa só polo seu número de integrantes. Isto tamén reflexa a afección que hai aquí polo emprego da bicicleta. Os mesmos colaboran no Día da Bici axudando a controlar o pelotón e a reparar posibles roturas ou pinchazos.

-No seu caso, ¿adoita empregar a bicicleta? ¿Participa nese día?

-Estou asistindo case todos os anos, sempre que podo. E non só a esa actividade, senón a outras moitas. Gústame vivilas por dentro porque é máis bonito. E este ano espero estar alí tamén. No día a día, a miña relación con este medio é o spinning na piscina municipal.

-¿Como é o percorrido?

-É apto para todos. Ademais, faremos unha parada para repoñer forzas. Será no Monte da Estrela como todos os anos, ao igual que o percorrido será o mesmo, pois xa está consolidado. É todo por estrada: sae da praza do Concello, segue por A Laracha, vai por Paiosaco e remata en Caión; un final espectacular. Mentres baixas, ves a praia: é o mellor momento.

-O feito de que transcorra integramente por asfalto axuda a reivindicar que as estradas tamén son das bicicletas.

-Totalmente. Os coches teñen que respectar ós ciclistas, e estes últimos ós primeiros. Temos que vivir todos en harmonía.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«O Día da Bici gústame vivilo por dentro»