Axenda musical da fin de semana | Esta disciplina artística terá importante peso nas vindeiras horas na Costa da Morte
30 may 2026 . Actualizado a las 05:00 h.Entre hoxe e mañá • Na axenda desta fin de semana hai varias citas relacionadas coa música na Costa da Morte. Entre as destacadas, todas estas:
Canción en Malpica
Hoxe • 20.30 horas • Acolle o Fogar do Pensionista malpicán a presentación da Canción da Romaría de Santo Hadrián, unha peza con letra e música de Carlos Fidalgo. Estará acompañado por Luís Ramas, mestre, e por Eduardo Parga, alcalde. Os asistentes levarán un disco de agasallo, ata esgotarse.
Clausura en Cabana
Hoxe • 18.30 horas • Novo peche de curso, no pavillón de A Carballa. É a quenda para a Escola Municipal de Bailes de Salón e Ritmos Latinos. Ademais, para o vindeiro domingo 7 de xuño, ás 18.00 horas no auditorio, quedará a clausura da Escola de Música J. María Álvarez Canto.
Uxía nas Torres do Allo
Mañá • 19.00 horas • Logo de intervir onte á tardiña en Corcubión, a artista Uxía arribará este domingo ás Torres do Allo, en Zas, co seu concerto Cancións Begoñísimas, tributo á súa gran amiga Begoña Caamaño, homenaxeada este ano coas Letras Galegas. A sesión leva por título As letras das Circes e das Morganas. Acceso de balde.
Tradición en Dumbría
Mañá • 17.00 horas • O programa Maio das Letras impulsado polo Concello arredor do 17 de maio chegará mañá á súa fin cunha tarde de música tradicional. Clausuran curso as escolas da Asociación A Fonte Santa e dos Gaiteiros de Buxantes. Na Casa da Cultura de Olveira.
Carcaxía pecha curso
Mañá • 12.30 horas • A asociación Carcaxía festexará mañá no centro cívico de Malpica o su fin de curso. Gala na que música non ha de faltar.
Corpus en Vimianzo
Mañá • 12.00 • Na parroquia San Vicente de Vimianzo festexarán mañá o Corpus. Teñen misa ás 12.00, e compaña musical da coral Costa da Morte e da Banda de Música de Ponteceso. Agradecen ademais colaboración musical para a alfombra floral.
Moderna en Vimianzo
Mañá • 18.00 • Este domingo no auditorio será quenda de festival de música moderna coa Escola Municipal.
Tributo a Viqueira Vieites
Mañá • 11.30 horas • O Grupo de Gaitas Os Viqueiras de Ordes rende tributo mañá a Manuel Viqueira Vieites, O Gaiteiro de Vilaverde. Concentración de gaiteiros ás 11.30 horas na Alameda.
E ademais... verbena
É o caso de Pazos, Ponteceso, hoxe con vermú co dúo Dilema e verbena con Dilema e América SL. Mañá terán vermú con La Tremenda. Tamén festexan o Corpus en Brens (Cee), esta noite co trío Rosel, CDC e New York.