Pasaron polo IES de Ponteceso e pasarán polo de Muxía dentro do programa «Activistas polo mundo que queremos»
10 abr 2026 . Actualizado a las 05:00 h.Alumnado o IES Eduardo Pondal de Ponteceso (xa o xoves), do IES A Paralaia de Moraña (onte), do IES do Milladoiro de Ames (luns e martes) e do IES Caamaño de Muxía (mércores 15) anda a recibir a vista de dúas activistas salvadoreñas que defenden a igualdade de xénero a través da súa música. Yezli Mic e QueenMc son compositoras e rapeiras integrantes do colectivo Hip Hop Femenino El Salvador, primeira organización de mulleres rapeiras do país. A actividade que chega á comarca está encadrada no proxecto de educación para o cambio social Activistas polo mundo que queremos, xa na súa 13.ª edición. É posible grazas á unión de tres ONG: Agareso, ACPP e Solidariedade Internacional de Galicia, co apoio da Dirección Xeral de Exteriores.
Yezli Mic e QueenMc, ás que poden seguir en redes, empregan o hip hop como ferramenta para o activismo —no que os rapaces se mergullan de cheo—, a promoción da paz e a loita contra a violencia sobre a muller.