O almanaque en torno ao 17 de maio trae un domingo de actividade á Costa da Morte

La Voz CARBALLO / LA VOZ

CARBALLO

Prestou ben na tarde de onte acudir á área do río de Vaa, en Malpica, onde Galeatro ofreceu a función «Muiñada» e onde se levou a cabo logo unha visita guiada. Participaron medio cento de persoas, informou Concello.
Prestou ben na tarde de onte acudir á área do río de Vaa, en Malpica, onde Galeatro ofreceu a función «Muiñada» e onde se levou a cabo logo unha visita guiada. Participaron medio cento de persoas, informou Concello. BASILIO BELLO

Cabana, A Laracha, Cee ou Vimianzo teñen hoxe citas en torno ás Letras Galegas

15 may 2022 . Actualizado a las 05:00 h.

Ademais de O Dezasete do Couto, no cal se entregan hoxe os premios Bos e Xenerosos da Fundación Pondal, hai outras opcións para hoxe polas Letras Galegas na Costa da Morte: 

Cabana

Na Praza do Pendón loce un mural deseñado por Leandro Lamas, auxiliado no seu traballo por alumnado do CPI As Revoltas. Os traballos, encadrados no Pacto de Estado contra a Violencia de Xénero e financiados polo Ministerio de Igualdade, comenzaron o luns. «Foi unha experiencia moi gratificante», dixo Lamas sobre a colaboración dos pequenos. O alcalde, José Muíño, celebrou unha iniciativa que achegou o arte aos rapaces e que, á vez, mellora a estética da localidade. Tamén en Cabana, na Casa do Pendón, continúa hoxe a experiencia teatral No mes das flores (16.00 horas).

A Laracha

Comeza o programa en torno ao 17 de maio cunha actuación das asociacións Santa María de Torás, Queiroga de Paiosaco e Arume de Caión: 18.00, Praza Olonne sur Mer. Un cuarto de hora antes, anunciou o consistorio, as formacións concentraranse na Praza do Concello, para saír de aí en pasarrúas ata o lugar da actuación.

Vimianzo

 VimiLetras na Praza do Concello, dende as 17.00, con actividades diversas para os máis pequenos. Teatro e música con Migallas, inchables, obradoiros varios...

Laxe

Complementado a ruta gastronómica Prémiate en Laxe, a compañía Elefante Elegante ofrece unha sesión de teatro en familia: Papatúm, ás 19.00, no salón de actos. 

Cee

Inclúe a vila no seu programa das Letras un novo , desta volta amenizado pola carballesa Rocío Pérez. De 19.00 a 22.00 horas, no polideportivo.