«Máis que unha competición deportiva, o deste domingo en Mazaricos será unha festa»

Xoán Ramón Alvite Alvite
X. r. alvite REDACCIÓN / LA VOZ

CARBALLO

Xosé R Alvite

ENTREVISTAS | A localidade acollerá a terceira proba do circuíto Correndo pola Costa da Morte, con inicio na Picota. Falan o concelleiro de Deportes, Jorge Villar, e o coordinador do departamento municipal de Deportes, Andrés Tuñas

04 may 2022 . Actualizado a las 05:00 h.

Mazaricos acollerá o domingo a terceira proba do circuíto Correndo pola Costa da Morte, que arrincará na Picota ás dez e media da mañá coa saída da categoría alevín e rematará ás doce coa categoría absoluta sobre un percorrido de dez kilómetros. Para o Concello, este tipo de eventos, que unen a competición co ámbito comarcal resultan moi importantes para fomentar a práctica deportiva, principalmente entre os máis novos. Esa é, polo menos, a opinión do concelleiro de Deportes, Jorge Villar Cobas.

—Outro ano máis, volven as carreiras a Mazaricos. Había ganas?

—Moitas ganas. Estes dous últimos anos foron complicados para os afeccionados que, aínda que seguiron adestrando e saído a correr de xeito habitual, botaban de menos este tipo de probas que, mais que unha competición, son unha festa.

—Que supón para o Concello ser parte do circuito Correndo Pola Costa da Morte?

—Para nós é un gusto e case unha obrigación participar neste tipo de actividades deportivas que fomentan uns valores cos que coincidimos plenamente. Dende logo a nosa intención é a de participar de xeito activo en calquera iniciativa que promova a práctica deportiva e a vida saudable.