A REGUEIFA DA SEMANA, POR LUPE BLANCO | Boa parte da actualidade da Costa da Morte, na afiada ironía da coristanquesa
16 ene 2022 . Actualizado a las 05:00 h.Bo día para os que escoitan,
desde o coche ou o traballo,
e tamén para esa xente,
que andades confinados.
Toca facer o resumo,
do que leva acontecido,
noutra semana complexa,
de cribado indefinido.
Andan por aló no Fórum,
deixádeme que o transmita,
se ides facer o test
primeiro pedir a cita.
E veña test para todos,
hai que ter boa paciencia,
tampouco era mala cousa
facer un de intelixencia.
Que a onda esta do virus,
vai traer males maiores,
hai virólogos nos bares
e somos todos doutores.
Pois a cousa continúa,
xa o vou contar axiña,
se non tiñamos abondo,
confinamos ás galiñas.
Están en Zas e Vimianzo,
e tamén as de Dumbría,
non poden saír á horta,
acabóuselles a alegría.
Agora están confinadas,
non lles queda máis remedio,
que aplaudir ás oito en punto
na porta da capoeiro.
Pois agora é o que toca,
e teremos que coidalas,
aínda nos van dar a cita
para ir a vacinalas.
De momento esperamos,
a ver como van as nosas,
eu xa decidín poñerlle
unhas máscaras a todas.
A cousa non é de risa,
non vai pasar de contado,
pero aínda é peor
ver alcaldes condenados.
Rematamos estas coplas,
que ata aquí saíu moi ben,
disfrutade das xeadas
e ata a semana que vén.