Óscar Pereiro: «A Volta fixo un descubrimento marabilloso ao pasar polo Ézaro»

nicolás pose / s. g. CARBALLO / LA VOZ

CARBALLO

XOAN CARLOS GIL

A REMOLLO | Ciclista, futbolista e piloto, agora Pereiro, gañador do Tour de Francia no 2006, goza do deporte a pedal por diversión

15 ago 2021 . Actualizado a las 05:00 h.

Óscar Pereiro Sío (Mos, 1977) é un dos poucos españois que gañou o Tour de Francia. Acadou a vitoria no ano 2006 trala descualificación do estadounidense Floyd Landis ao dar positivo por dopaxe. Ese mesmo ano saían á luz varios escándalos relacionados coa dopaxe entre varios dos favoritos a gañar o Tour. O ciclismo vivía un momento crítico para a imaxe do deporte. Agora retirado, Pereiro dedícase a colaborar en programas deportivos como comentarista ou tertuliano. É embaixador da Volta a España e participa en diversas iniciativas para impulsar o ciclismo nas novas xeracións a través da súa propia fundación, ademais de, ocasionalmente, competir por diversión nos diversos eventos organizados ao longo de Galicia, como o Gran Fondo Ézaro.

-A que idade comezou a montar en bicicleta para competir?

-Aos 12 anos comecei a competir, case aprendendo a montar aínda. Seguía a todos os ídolos da miña xeración, como os triunfos de Induráin, aínda que, para min, Perico Delgado foi a miña inspiración para montar en bicicleta e volverme profesional.

-Que se sente ao vestir o maillot amarelo?

-É cumprir un soño que tes desde neno. Un premio a unha carreira profesional, algo que, incluso, non se pode describir con palabras.