Última novedad: un poemario infravalorado de Enrique Labarta Pose

Xosé Varela APUNTES LITERARIOS

CARBALLO

Labarta Pose
Labarta Pose

Deste volume encontramos tres críticas literarias publicadas en El Libredón, Gaceta de Galicia e Galicia Católica

20 jul 2021 . Actualizado a las 16:00 h.

O1884 foi un ano importante para Enrique Labarta Pose. Nel licenciouse en Dereito, casou e debutou como escritor co poemario Última novedad. Subtitulado Noventa y nueve céntimos de versos de todas clases y arreglados a todos los gustos por un tal..., sería un agradable agasallo de Nadal. Ao estar escrito case integramente en castelán, este libro nunca foi valorado pola historiografía literaria galega. Non obstante, nel xa se adiviñan liñas estéticas e temáticas que consagrarían a Labarta como escritor en anos posteriores.

A primeira noticia que localizamos del data do 15 de decembro. En Galicia Católica expresábase o agradecemento «a su joven autor por tener la bondad de enviarnos» un exemplar e anunciaba que publicaría unha «nota bibliográfica correspondiendo así a la galantería del nuevo poeta gallego».

Deste volume encontramos tres críticas literarias publicadas en El Libredón, Gaceta de Galicia e Galicia Católica. En El Libredón xulgábase esta obra «con motivo del poeta» mentres que na Gaceta de Galicia, o «poeta con motivo de la obra».