Os 25 anos do Batallón Literario Costa da Morte festexaranse na Rede

O hotel Bela Fisterra promove unha iniciativa en colaboración cos autores que formaron parte daquel movemento

O poeta Modesto Fraga coordina a iniciativa
O poeta Modesto Fraga coordina a iniciativa

Carballo / La Voz

Un cuarto de século se cumpre neste mes de maio do Batallón Literario da Costa da Morte (1996), un punto de inflexión para a literatura desta comarca. Para celebrar esa efeméride, o hotel Bela Fisterra, baixo a coordinación do poeta Modesto Fraga, impulsa unha iniciativa na Rede, de xeito que, a partir deste luns, irá subindo ás súas redes sociais vídeos de autores que integraron o colectivo e doutros que participaron directa ou indirectamente daquel tempo de ilusión e fertilidade na creación literaria que fixo da Costa da Morte un referente na literatura galega. A proposta vén a dar continuidade á levada xa a cabo o ano pasado, Un vermú co Batallón Literario, que reuniu a unha ducia de escritores e escritoras para debater sobre a situación actual da literatura. Neste caso, serán os propios creadores os que compartan os seus pensamentos a través destes vídeos creados para a ocasión: a celebración estenderase todo o mes.

A iniciativa non só quere poñer en valor o traballo feito, senón animar a novas fornadas de autores a seguir, cal «feros corvos do Xallas», o legado de Pondal, Abente, Xervasio Paz ou Antón Zapata, mais tamén daqueles que hai 25 anos marcaron un tempo.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

Os 25 anos do Batallón Literario Costa da Morte festexaranse na Rede