O ceo sobre Dombate, toda unha descuberta

Patricia Blanco
P. Blanco CARBALLO / LA VOZ

CARBALLO

BASILIO BELLO

OBSERVACIÓNS ASTRONÓMICAS | Esta noite será a terceira en Cabana. Tamén hai unha proposta deste tipo en Malpica

14 ago 2020 . Actualizado a las 05:00 h.

«Foi unha experiencia boísima», dá cadra o físico baiés Jorge Mira, encargado dende hai 18 anos de guiar unha das actividades con máis demanda do verán cabanés, a da Noite de estrelas. Observacións do ceo que, este ano, houbo que mudar algo a causa do covid: tres sesións para dar cabida aos moitos participantes (o aforo xa está completo) e, no canto de ir de ruta, tocou deitarse sobre o chan de Dombate, ceo sobre un. «O da xente tombada mirando cara arriba foi unha descubrimento», di Mira, quen referencia que na noite inicial, a do mércores, despexou un pouco, mais logo ficou cuberto.

BASILIO BELLO

Aínda así, a xente quedou contenta do visto e do oído, porque o guía falou, por exemplo, da orientación astronómica do dolmen: «O corredor de entrada está orientado ao solsticio de inverno de cando se fixo o megálito», explica. Non só iso, senón que unicamente deixaron pinturas na zona que alumeaba o sol, indica. Foron unhas 80 as persoas participantes nesa xornada primeira. Na segunda, a de onte, estaba prevista tamén a asistencia do astrónomo venezolano Orlando Naranjo, descubridor de varios planetoides e asemade codescubridor do cometa Shoemaker-Levy.

Hoxe, tamén en Malpica

Ademais da terceira sesión de hoxe en Dombate, donde o espazo é amplo dabondo como para gardar sobradamente as distancias de seguridade, tamén en Malpica se promove para esta noite unha observación, da man da entidade Salitre: parte teórica no centro cívico, ás 20.30, e subida posterior ao Monte Neme. Custa 10 euros e os interesados poden consultar prazas no 610 696 367 e no 603 741 747.