O home detrás do lenzo


Este pasado sábado, tiven o pracer de ser convidada a unha das xornadas desenvolvidas no ciclo Primavera en Dombate.

Conteilles sobre a vida e a obra de Manuel Lema, o pintor näif, o home dos pitos, o encofrador, o labrador e outras múltiples facetas desenvolvidas e das que nunca renegou. Sorprende que despois de tantos anos quede na memoria o recordo dun home humilde, afable, que sempre buscaba transmitir coñecemento. Era o home que escapaba os domingos, ante a mirada estupefacta dos compañeiros de traballo, a museos coma o do Prado ou o Louvre para ver cadros e copialos.

Máis aló de todo, a pintura de Manuel fala da guerra, da barbarie da contenda que decidiu a Guerra Civil, a batalla do Ebro.

Bando nacional

Aínda así, hai quen pensa que Manuel gañou o Premio Barrié de la Maza por ter un xurado como Filgueira Valverde. Aínda hai quen sinala a quen foi no bando nacional coma se meu avó puidese elixir, poñéndolle a etiqueta de franquista.

Mais, a aqueles que coñecemos a fonda pegada que deixou neste mundo, non nos enganan. O inxenuísta gañou por trasladarnos a través da súa obra a pena e a morte de tantos combatentes que morreron amparados unicamente a unha fotografía da súa noiva ou de súa nai.

É unha honra que mozos tan novos coma os de onte, se interesasen por coñecer un pouco da historia que agroma arredor da Igrexa de San Xoán de Borneiro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

O home detrás do lenzo