Ademais da estrea dun vídeo de Omar Rabuñal, está previsto un recital de poesía no IES Eduardo Pondal
20 dic 2019 . Actualizado a las 05:00 h.A Fundación Eduardo Pondal, conxuntamente co Concello de Ponteceso, festexará hoxe o 112.º aniversario da estrea do Himno Galego.
Como parte do programa está prevista a divulgación, a través das redes sociais, do vídeo realizado polo director Omar Rabuñal da interpretación do himno por parte da cantante vimiancesa e vocalista de Luar na Lubre, Irma Macías.
Ademais, a partir das 10.00 no salón de actos do IES Eduardo Pondal, 112 alumnos do colexio de educación primaria e 3.º da ESO recitarán poemas de Pondal, que serán combinados coa música tradicional dos gaiteiros do Centro Coreográfico Galego. Xuntos interpretarán o Himno como remate final.
O Concello editou, con este motivo, un cartel conmemorativo do aniversario.