A regueifa da semana, por Lupe Blanco
24 mar 2019 . Actualizado a las 05:00 h.E terei que contar algo,
que non é cousa calquera,
queda fóra o inverno
e entra a primavera.
Atrás queda o mal tempo,
e esperemos que o frío,
se baixades hoxe á feira,
está todo florecido.
Mais non é todo bonito,
aínda que iso pareza,
porque están os areais,
que son toda unha pobreza.
Canto plástico no mar,
sábese que é unha perda,
como non fagamos algo,
habemos comer merda.
Perdoade o atrevemento,
que foi por culpa do sono,
pero se non o coidamos,
é que moi listos non somos.
Cambiemos mentalidades,
pensando nese pescado,
que logo toca comer
o sargo recauchutado.
Non che é risa ningunha,
que nos debía dar pena,
habémolo lamentar,
romper o ecosistema.
Que romper logo se rompe,
falo de seguridades,
porque hai que andar con ollo
e coidar das propiedades.
Se non mirade na zona,
e os afectados que o dighan,
hai que vixiar a casa,
que logho cha desvalixan.
Pois o tema non me estraña,
co que ocorre aghora,
saes un día da casa,
e logho te chimpan fóra.
Xa o dín eses de Vox,
que nacen iluminados,
temos que ser coma os ianquis,
e andar todos armados.
Eu acabo atalora,
xa quitando na chaqueta,
que terei que ir aprender
a apuntar coa escopeta.