A Xunta sostén que a igualdade de xénero inspira todo o sistema educativo

A secretaría xeral advirte que «a persistencia de desigualdades, estereotipos e roles de xénero non só están recoñecidos na normativa estatal ou autonómica, senón que son circunstancias indiscutibles que se teñen en conta a nivel europeo e mundial»


carballo / la voz

A Secretaría Xeral da Igualdade sostén que «o tratamento da igualdade de xénero nos centros escolares está prevista como principio inspirador de todo o sistema educativo e como contido curricular para ESO e Bacharelato na comunidade autónoma de Galicia». Desta maneira, o órgano superior da Xunta de Galicia manifestaba a súa preocupación tras tres denuncias de varias organizacións que entendían que un artículo publicado por La Voz de Galicia, firmado por Cristóbal Ramírez, e titulado Doctrina, «cuestiona a existencia da desigualdade de xénero e dá a entender que o seu tratamento como contido lectivo nas aulas se efectúa dun xeito propagandístico, empregando como material didáctico panfletos, equiparables aos existentes durante a ditadura franquista».

A secretaría xeral advirte que «a persistencia de desigualdades, estereotipos e roles de xénero non só están recoñecidos na normativa estatal ou autonómica, senón que son circunstancias indiscutibles que se teñen en conta a nivel europeo e mundial». Engade que «se ben a condición xurídica da muller mellorou inequivocamente nas últimas décadas, a igualdade efectiva entre mulleres e homes dista moito de ser unha realidade». Puntualiza que os valores que fomenten a igualdade efectiva entre homes e mulleres, así como a prevención da violencia de xénero, constitúen nas escolas principios inspiradores de todo o sistema educativo español, regulados pola lei orgánica 2/2006 de 3 de maio. Tamén na comunidade autónoma está regulada esta materia e, en concreto di que, ao amparo da lei 11/2007 do 27 de xullo, «a educación para a igualdade forma parte do contido curricular, impartíndose a materia igualdade de xénero» e todo o material que se entrega aos alumnos, así como os criterios de avaliación foron aprobados pola consellería competente en materia de educación.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A Xunta sostén que a igualdade de xénero inspira todo o sistema educativo