«Se houbera que paghare ía ser todo mellor: así ó noso patrimonio daríamoslle máis valor»

A REGUEIFA SEMANAL | Nova entrega da análise da actualidade máis retranqueira desta semana


CARBALLO / LA VOZ

Pois bos días aos lectores

a ver se non fago estragos

se non vou ter que ir andando

a Caión cara Os Milagros

Non hai queixa cos devotos

nesa etapa un pouco dura

está o santuario cheo

e moi contentiño o cura

O mesmo pasa en Muxía

encheron ata a bandera

está cheo de peregrinos

que van abalar a pedra

A pedra xa non abala

só está para ir vela

que con tanto meneíto

logo volven rompela

E agora que o penso

non se trata de rompela

tiñan que cobrar un euro

para o que queira ir vela

Se houbera que paghare

ía ser todo mellor

así ó noso patrimonio

daríamoslle máis valor

E hoxe parece outono

está o día amorriñado

estase achegando o FIOT

e o cartel xa publicado

Sae unha moza con wifi

co nariz facendo o conto

se mo puxeran a min

ían ter wifi abondo

A wifi non se precisa

pa facer a foliada

que este sábado no Bosque

houbo boa trangallada

Ha de ser bonita a festa

iso xa por descontado

se non a veñen jodere

que os terreos son privados

O tema é protestar

que iso sempre vai por diante

nós fomos á foliada

aínda que haxa repunantes

E xa vou ir acabando

que non quero dar a lata

para semana hei voltar

coa Festa da Pataca

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Se houbera que paghare ía ser todo mellor: así ó noso patrimonio daríamoslle máis valor»