«Ten gran envergadura... para que me caian uns paus, a regueifa é caralluda»

Nova entrega da regueifa semanal de Lupe Blanco: a análise máis retranqueira da actualidade


CARBALLO / LA VOZ

Aquí estamos outro día

agora que eu me lembro

acabouse o mes de agosto

benvido o mes de setembro

Vanse acabando as festas

que o teño que dicir

para algúns que troulearon

é mellor deixalas ir

Xa nos vai quedando pouco

deixaremos para o ano

inda han botar en falta

ó Combo Dominicano

Hai que volver ó traballo

que non gusto moito deso

pero non che hai remedio

se quero ganar un peso

Non vaiamos amargarnos

nin perder a ilusión

pero acábase o verán

e entramos en depresión

Polo menos ter saúde

que esa é a mellor cousa

pasaremos por Carballo

ás festas da Milagrosa

Rezaremos un pouquiño

diso non hai que ter duda

que están contentos por Oza

seica lles apareceu Cuca

Cuca é un poni fino

que para casa ía tarde

quixo ir dar unha volta

e foi ó Monte do Carme

Non vou descubrir agora

nena neso non te metas

se non poden preguntarlle

a un tal Roberto Bodegas

E que agora que o penso

que ten gran envergadura

para que me caian uns paus

a regueifa é caralluda

Pero hai que defendelo

cantando moito mellor

pensemos que esta vida

é bonita con humor

Xa vou dar a despedida

apoiando a ese rapás

que este mundo de tolos

parece que vai para atrás.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
1 votos
Comentarios

«Ten gran envergadura... para que me caian uns paus, a regueifa é caralluda»