«Quixen ir ata a Rocheira e pechou por vacacións»

A regueifa da semana, por Lupe Blanco


Aquí estamos outro día

e non pode ser mellor

andamos moi ocupados

polas festas de arredor.

Veña pinchos, veña rutas

iso é o que che vexo

como pasa por Baldaio

na festa do Berberecho.

Estamos nos días propicios

e festas de envergadura

como pasa na Laracha

coa Feira da Horticultura.

E se de festas se trata

xa o di a regueifeira

hai que pasar por Malpica

ver a feira mariñeira.

Non podo falar de todas

por iso canto amodo

vamos ir a Camariñas

ver a Feira do Mar Todo.

Que máis vos podo contar

da festa que se celebre

o que non vai de parranda

debe ser porque non quere.

E claro que vou ás festas

que algún xa o imaxina

pero agora entroume a gana

de querer ir á piscina.

Vaia desastre daquela

xa armamos o follón

quixen ir ata a Rocheira

e cerrou por vacacións.

Ten razón señor alcalde

iso é un desvarío

o que se queira mollar

ten alí tamén o río.

É o novo pensamento

o que debe estar de moda

nin desfrutan os veciños

nin se ven algún de fóra.

Así está o panorama

cargadiño de artistas

por iso os de Coristanco

sómosche todos turistas.

Agora vou despedirme

que me toca de acabar

aínda que cerre a piscina

eu igual me hei de ir bañar.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

«Quixen ir ata a Rocheira e pechou por vacacións»