Nova entrega da regueifa semanal de Lupe Blanco: una análise retranqueira da actualidade destes días
05 ago 2018 . Actualizado a las 05:00 h.Aquí veño a cantare
como fago cada día
parece que hai problemas
no gremio da hostalería
Comentan os empresarios
que para facer as labores
andan algo preocupados
por non ter traballadores
Disque a xente non aguanta
que non son profesionales
tamén había que vere
se os contratos son normales
Porque non todo é bonito
que hai moita trapallada
vas traballar quince horas,
pero a media xornada
Algún leva co anuncio
que precisa persoal
xa lle pasaron tres meses
pero algo debe de ir mal
Un sueldo como Dios manda
e convenio nas xornadas
que xente traballadora
ten que haber a patadas
E claro que baixa o paro
sobre todo no verán
por bares e restaurantes
que é cando máis carto fan
Iso xa non é de novo
a noticia vén de vello
tamén baixa en Coristanco
esa conta do Concello
Porque quedei abraiada
co que eu teño sentido
disque un millón e medio
xa o damos por perdido
Destaca non o roubou ninguén
xa o aviso no momento
é que foron algo parvos
e non o pediron a tempo
Non precisamos axudas
co que se ve atalora
o único que viña ben
é que os botaran fóra
Ata a semana señores
perdonade este cante,
se non veñen subvencións
o traballo que non falte.