«Adeus pulpo, adeus sardiña, que por prezo e por veda, diso non temos fartura»

Vamos facer un repaso

e que todo o mundo atenda

porque a modo de regueifa

vouvos explicar a axenda.

Unha cousa estache clara

hai festas de condición

temos feira medieval

por aló por Corcubión.

Recomendo a visita

e a empanada de millo

se che gustan os produtos

leva cartos no bolsillo.

Que tamén hai que comer

que o comer vainos por diante

aínda que cambian as tornas

se vamos de restaurante.

Adeus pulpo adeus sardiña

que teño moita tristura

que por prezo e máis por veda

diso non temos fartura.

Ai a cousa está bonita

que ese asunto é moito conto

vamos andar tranquiliños

se churrasco hai abondo.

Non nos poñamos nerviosos

mentres que teñamos festas

que no campo da Areosa

vai ser a Rapa das Bestas.

 

Non vaiamos confundir

que o asunto hai que contalo

non vale levar a sogra

que só rapan aos cabalos.

 

Vamos rir que dan bo tempo

para plaias e para festas

non vamos andar mollados

como a Operación Orquesta.

Inundóuselle o xulgado

que tamén vaia por Dios

non sexades mal pensados

pódenos pasar a nós.

 

Tamén tiñan outro xeito

gardalo no ordenador,

pero se salta o machete

ía ser moito peor.

 

Vamos deixar o conto

e sigamos coa festa

e desexo para os veciños

que lles toque outra Orquestra.