A REGUEIFA DA SEMANA | Nin que o noso Concello fose coma Inditex

Nova entrega desta retranqueira análise da actualidade na comarca. Escribe Lupe Blanco


 Pois que atenda todo o mundo

a regueifa que vos traio

que o Combo Dominicano

anduvo enchendo Baio

O grupo está preparado

o misterio non se entende

para encher todas as prazas

débenlle pagar á xente

Polo menos se lles paga

cada un sabe o que fai

contarán os asistentes

e saberán cantos hai

Que aprenda o noso alcalde

agora todo me encaixa

para saber dos funcionarios

que ten na casa de baixa

Que non sabe o dato exacto

xa o dixo aboféOs que saben ben o dato

son os pais de cada un

que aló en Coristanco

pediatra non hai ningún

E quitáronlle o servicio

xa o digo de primeiro

póñenlle trabas abondo

como fan os percebeiros

Que a Xunta moito fala

o tema é comentado

disque para chegar ás rochas

van ter que ir a nado

Nos despachos logo escriben

algún creo que nin dorme

que veñan dar unha volta

este sábado por Corme

Hanlles de botar o dente

logo lle van explicar

que para coller o marisco

non é como ir sachar

Xa lles digo ós da Xunta

que aquí non todo vale

que veñan á festa a Corme

e o percebe que o paguen

Un saúdo agarimoso

que hoxe é día de sorte

mándovos un forte abrazo

a toda a Costa da Morte

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

A REGUEIFA DA SEMANA | Nin que o noso Concello fose coma Inditex