«O Pindo é de todos e gustaríame que entre todos atopemos a mellor solución»

J. Manuel Sande CARNOTA / LA VOZ

CARBALLO

Caamaño cree emprego e desenrolo económico irán da man da catalogación de espazo protexido<span lang= es-es >. </span>
Caamaño cree emprego e desenrolo económico irán da man da catalogación de espazo protexido. sande

A consecución de calquera obxectivo implica dificultades, mais van xa 5 anos de loita. Xilberto Caamaño é o presidente da Asociación Monte Pindo Parque Natural

26 dic 2015 . Actualizado a las 05:00 h.

A existencia de desastres medioambientais, o respecto pola riqueza natural e a posta en valor dos elementos patrimoniais son unha triloxía máis que suficiente para espertar a sensibilidade de calquera persoa e para facer que se inicie na loita pola conservación de elementos de singular valor paisaxístico, histórico e tradicional. Se a todo isto engadimos a certeza de comprobar que cando os nativos dun territorio quedan impasibles ante a salvagarda do autóctono e son os foráneos os que se interesan pola súa conservación e mellora, as conciencias da xente remóvense, temos a combinación perfecta para impulsar un movemento que sirva para defender os bens propios.

Algo así pasou pola mente dun mariñeiro de O Pindo, Xilberto Caamaño Beiro, quen, coma a maioría dos veciños da zona, recorreu á mariña mercante como destino laboral para rematar logo cun traballo en terra, como bombeiro na refinería, asentándose coa súa familia na Coruña. Pese aos avatares profesionais, nunca esquece a súa vila natal, á que volve a cotío, interesándose por canto alí acontece, e aportando canto pode para acadar melloras para o seu pobo.

A creación da Asociación Monte Pindo Parque Natural, fai xa cinco anos, da que Xilberto Caamaño é o presidente, foi una ferramenta coa que dende Carnota se quixo participar activamente na loita para acadar que as Administracións públicas dotasen ao coñecido como Olimpo Celta, da catalogación de parque natural. «A iniciativa partiu de Adega, pero un grupo dunhas dez persoas de Carnota, sensibilizadas cos temas medioambientais e cun singular amor polo Pindo, decidímonos a fundar esta entidade», lembra Xilberto.