«Agora hai máis compromiso, pero o 'gamberre' segue aí»

O cuarteto levará o sábado a Baio as súas desenfadadas e retranqueiras versións de éxitos do pop internacional


Unha divertida versión do Gangnam Style abriu as portas da escena musical a De Vacas, un proxecto no que Paula Romero, Faia Díaz e Inés Salvado -coa axuda á guitarra de Guillerme Fernández- reinterpretan en clave galega e cunhas pingas de retranca éxitos do pop internacional. Hoxe actuarán en Baio (carpa da praza, 21.00) nunha velada na que tamén participará Oîma.

-¿Que se atopará o público?

-Cancións comerciais que soaron na radio na nosa adolescencia e temas actuais, como o Gangnam Style ou Ai se eu te pego, cun toque persoal e humorístico, como cambiar a letra, levándoas ao galego, ao noso terreo con moita sorna, sarcasmo e un pouco de gamberreo.

-¿Como elixen os temas?

-É unha cuestión laboriosa porque ao coller cancións comerciais ao principio é difícil atopar unha esencia musical interesante. Pero non é difícil no sentido de que temos unha conexión entre nós que fai que esteamos de acordo. Elixir a canción é doado, o difícil é sacarlle o zume, iso é o que leva máis tempo.

-¿Como foi probar por primeira vez a reacción do público ante unha proposta tan orixinal?

-Era unha incertidume absoluta porque facíanos graza a nós, faciámolo para nós, pero cando decidimos presentalo ao público tiñamos moitas dúbidas. De feito, o primeiro que presentamos foi o videoclip, un pouco para ver a resposta nas Redes, que é algo así como máis distante. Pero tivo boa aceptación, fíxose un pouco viral e iso deunos confianza porque viamos que soaba ben e que a xente o pasaba ben.

-Comezaron un pouco como unha ?gamberrada?, pero parece que van en serio.

-[Ri] Eu creo que segue sendo gamberrada, e iso é algo que non queremos perder. A parte seria é que esixe máis traballo, chámannos máis e temos encargos diferentes, o que supón tamén máis responsabilidade e máis compromiso, pero o gamberreo está aí.

-¿Facía falta un proxecto así para romper un pouco a seriedade?

-Hai de todo, pero nós estamos nun punto moi bonito que é o de conectar coa música adolescente, que é un sector un pouco esquecido na música galega.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Tags
Comentarios

«Agora hai máis compromiso, pero o 'gamberre' segue aí»