«A xente de fóra valora moito o pichorro»

Cances celebrará hoxe unha nova edición da súa festa inspirada no mundo do millo


Na parroquia carballesa de Cances contaron as horas estes días para unha das súas celebracións máis importantes, a Festa do Pichorro, que terá lugar hoxe no recinto das escolas e na que, ademais do prato estrela da xornada, as mazorcas de millo asadas, haberá outros atractivos gastronómicos, ademais de música tradicional, o cuarto campionato de debullamento de millo co mango do fouciño e baile. Á fronte dos preparativos está un ano máis Francisco Méndez, músico e presidente da asociación cultural San Campio de Cances.

-¿Xa está todo listo para a festa?

-Os preparativos xa están bastante avanzados. As carpas xa están montadas e mañá [por hoxe] queremos xa deixar todo listo para poder dedicarnos o día da festa só a atender á xente. Contamos xuntar 500 persoas.

-¿Que é o que máis chama á xente?

-O campionato de debullamento de millo chama a atención porque hai moita xente que non está acostumada a ver iso, pero o que máis os atrae son os pichorros. Hai xente que está por aquí de vacacións que se entera da festa e vén a propósito a comelo: ocorreu o ano pasado cuns de Bilbao. A xente de fóra valora moito o pichorro.

-¿Como xurdiu a idea do campionato de debullamento?

-Nós sempre quixemos facer unha demostración de como é o proceso do millo e pareceunos que mellor que esfollar, que resulta complicado de facer e de recoller despois, era o debullamento co mango do fouciño. Hai un caldeiro con dez espigas e o que remate antes é o que gaña, pero hai un señor que non hai que poida con el.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos

«A xente de fóra valora moito o pichorro»