Mabegondo acollerá unhas xornadas sobre innovación no agro galego


O próximo 6 de xuño, o Centro de Investigacións Agrarias de Mabegondo (CIAM), con sede na provincia da Coruña e dependente do Instituto Galego de Calidade Alimentaria da Consellería do Medio Rural e do Mar, acolle unha xornada que, baixo o título «Retos e oportunidades para o agro galego: aplicación en Galicia do partenariado europeo para a innovación», promove este centro, xunto coa Fundación Juana de Vega e a Fundación Empresa-Universidade Galega (FEUGA). Pretenden dar a coñecer a potencialidade da innovación neste sector, ademais de demostrar a súa viabilidade a través de experiencias xa en marcha, evidenciando igualmente como se recolle no Plan de Desenvolvemento Rural galego.

A xornada desenvolverase de 09:00 a 14:00 horas. Participarán, entre outros, Manuel Varela, director da Axencia Galega de Innovación; Isabel Pombal, da Dirección Xeral de Desenvolvemento Rural e Política Forestal do Ministerio de Agricultura, Alimentación e Medio Ambiente; Juan Martínez, xefe de servizo e coordinación e seguimento do Plan de Desenvolvemento Rural da Consellería de Medio Rural e do Mar; Juan Castro, do departamento de coordinación e desenvolvemento tecnolóxico do CIAM, e Carmen Martínez, investigadora científica da Misión Biolóxica de Galicia (CSIC).

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

Mabegondo acollerá unhas xornadas sobre innovación no agro galego