«Xa pasamos dos cen xogos fabricados»

la voz

Gumersindo Capelo Fornís é profesor de plástica en Fonteboa e desde o curso pasado puxo en marcha unha iniciativa para recuperar os xogos populares xunto aos seus alumnos de primeiro e terceiro de secundaria. Onte estiveron no colexio de Agualada ensinando a xogar aos escolares.

-¿Como xurdiu esta idea?

-Por uns artigos que saíron no periódico sobre xogos populares. Pensei que era unha boa idea e os alumnos aceptaron. Este ano continuamos. Ademais de fabricar os xogos os rapaces teñen que facer unha ficha sobre eles e un vídeo. Xa temos unha ducia colgados na páxina do centro, pero xa pasamos dos cen obxectos. Algúns son grandes e foron feitos por varios, como unha carrilana, pero outros son cativos. Os estudantes tamén trouxeron outros da casa.

-¿Hai algún especial?

-Fixemos un xadrez con todas as pezas talladas en madeira. Non é nada fácil. Tamén diferentes chaves o que é complicado para un rapaz de doce anos, porque ten que soldar... Nestes casos axudan os pais.

-¿Coñecen os xogos?

-Algúns si. Hai algúns moi sinxelos e xogan cos avós. Pasou cun que é facer castelos con carozos de millo. Había uns cuantos rapaces que o sabían. Tamén os de cinta ou os de cana. Pero logo aprenden. Onte os alumnos ensinaban aos nenos de Agualada e pronto puideron todos xuntos.

Gumersindo capelo

docente de fonteboa

a pie de calle

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Tags

«Xa pasamos dos cen xogos fabricados»