O certame de artigos normalizadores de Carballo cumpre dez anos

<"> la voz < span>

Un ano máis, e xa van dez, o Servizo de Normalización Lingüística do Concello de Carballo organiza o premio de artigos xornalísticos normalizadores. Con este certame, os seus promotores pretenden facer un chamamento á reflexión sobre a situación do idioma galego e promover espazos nos medios de comunicación para o seu uso e prestixiamento.

As bases desta nova edición, aprobadas onte polo goberno local carballés, establecen que os textos presentados deben ser inéditos e abordar temas concretos relacionados coa situación sociolingüística de Galicia, o fomento da lingua, o seu estatus, o argumentario a prol do seu uso ou a lexislación na materia e os dereitos ao respecto. A súa extensión será de entre 1.800 e 3.300 caracteres (espazos incluídos) e deben ser presentados antes do 11 de abril. O gañador recibirá un premio económico de 1.000 eurose o seu texto será publicado nos dez medios de comunicación escritos que colaboran nesta iniciativa, entre os que se atopa La Voz de Galicia.

A escritora e profesora Mariña Pérez Rei foi a gañadora da edición do 2013 cun texto titulado O sotaque de Aurelia. En anos anteriores foron galardoados Xurxo Carballido, Olga Patiño, Ana Barreiro, Ramón Vilar Landeira, Sechu Sende, Pilar García Negro, Marica Campo, Carlos Callón e Xesús Fraga, entre outros.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

O certame de artigos normalizadores de Carballo cumpre dez anos