A elite mundial na porta da casa


OTour de Francia é o terceiro evento deportivo máis seguido do mundo, despois dos xogos olímpicos e o mundial de fútbol. A Vuelta a España é a seguinte proba ciclista en importancia (xunto co Giro de Italia)... e onte pasou por diante das casas de moitos dos nosos veciños, que puideron ver así a campións mundiais ou olímpicos (como por exemplo Fabian Cancellara e Samuel Sánchez). Viñeron a visitarnos deportistas que, cun esforzo sobrehumano, chegaron a ser elite mundial na súa disciplina. Son tan cracks como o poden ser os futbolistas que todos temos en mente. O vivido antonte na Costa da Morte é como se nos trouxesen un partido estelar da Champions League á nosa eira. Alguén podería pensar que o espectáculo só dura os escasos minutos nos que pasan os ciclistas, pero non é así: a maquinaria que fabrica unha competición deste calibre é moito maior do que parece pola tele. Comeza horas antes, cando se pechan as estradas para decoralas e convertelas nun escenario de 200 km de longo, un macroestadio no que se acomodan decenas de miles de espectadores para gozaren de todo o colorido das caravanas de anunciantes, a armada de técnicos, os rituais de control... Eses teloneiros van incrementando a tensión nos espectadores, que son numerosos. Sigo a carreira dende dentro con dous exciclistas históricos, que se sorprenden de que xa hai xente de todas partes. E, a diferenza doutras partes de España, con menor dispersión de poboación. Chega o momento no que o ruído dos helicópteros anuncia o clímax que no futuro se converterá en mito. Nesa épica do ciclismo, que chega e impacta a espectadores de todo o mundo, xa está instalada como referencia internacional a ascensión ao Ézaro, a meta da fin do mundo e, como decorado, a beleza de postal da Costa da Morte.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos

A elite mundial na porta da casa