«A poesía é o alimento nutricio de toda a literatura»


O profesor de filosofía e escrito Miguel Vázquez Freire (Corcubión, 1951) presenta hoxe Fadita fosca (Baia Edicións), un conto en clave de humor sobre a linguaxe dos nenos.

-¿É unha volta a literatura infantil?

-Nunca a abandonei. Digamos que durante unha temporada fixen máis ben novela xuvenil para mozos, pero hai xa moitos anos que escribo para pre lectores ou rapaces que están empezando a ler.

-¿O título da obra é unha homenaxe á fala destes rapaces?

-Si, homenaxe paréceme unha definición acertada, porque os nenos -neste caso unha nena, que é a protagonista- teñen unha fala moi graciosa, nesta etapa que é a máis marabillosa da vida. Digamos que aquí a novidade está un pouco na clave realista e humorística. Ten un punto de vista, en certo modo, bastante orixinal, con esa alianza entre a nena e o velliño, que é o avó.

-¿Como está a saúde da creación literaria na Costa da Morte?

-Ten moita vitalidade. Aquí a orixe de todo e a referencia inevitable é o Batallón, porque a poesía é o alimento nutricio de toda a literatura. Temos en todos os campos e agora apareceu a obra de Lema [Costa do solpor], que estou lendo e merece os maiores parabéns, porque sempre dixen que en Galicia faltaban novelas do mar.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«A poesía é o alimento nutricio de toda a literatura»