«Estamos sorprendidos de cómo van as cousas»

A Fundación López Abente presenta hoxe o seu primeiro certame de poesía

O vicepresidente da Fundación Gonzalo López Abente, Xosé Henrique Rivadulla Corcón (A Coruña, 1962), presentará hoxe no salón de plenos de Muxía (11.00 horas), xunto ao alcalde e presidente da entidade, Félix Porto, e ao secretario xeral de Cultura, Anxo Lorenzo, a primeira edición do certame poético dedicado ao autor muxián.

-¿Como se xestou o premio?

-Nos estatutos da fundación figura a promoción en xeral da literatura galega e dos escritores en lingua galega, especialmente os da Costa da Morte, e nesa promoción a poesía ten un espazo especial para nós, porque López Abente fundamentalmente foi poeta. E como na actualidade a poesía pasa por un momento crítico, en canto a edición, non a autores, este certame é un bo xeito de axudala.

-O premio nace ademais co dobre aval de Xerais e de Cultura.

-Isto é moi importante, porque aínda que calquera editorial merece o noso respecto, Xerais é a punteira e que accedera a publicación da obra gañadora vai moi en favor da súa difusión e da participación. Ademais, sen a secretaría xeral non poderíamos convocar o premio, e desde o primeirísimo momento Anxo Lorenzo dixo que nos ía apoiar.

-¿Estase cumprindo a folla de ruta da fundación?

-Estamos cumprindo porque somos realistas sobre o que podemos facer, pero aínda así estamos sorprendidos de cómo nos están saíndo as cousas, porque está indo todo ben. Xa editamos dous libros e traballamos en novas publicacións.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

«Estamos sorprendidos de cómo van as cousas»