«Hai capeláns en todos os sitios nos que hai militares españois»

O carballés Eduardo Pena é capelán na Academia Loxística de Calatayud

A picadura dun escorpión permitiu que José Eduardo Pena Calvo, natural da parroquia carballesa de Rus, puidese gozar da Semana Santa de Carballo. Sacerdote e militar, Pena es capelán castrense na Academia Loxística de Calatayud (Aragón), un centro do Exército de Terra.

-¿Como é iso de ser militar e sacerdote?

-Son fillo de garda civil e sempre me gustou a vida militar. Tiña a vocación de ser sacerdote ou lexionario do exército español e tiven a sorte de compaxinar as dúas cousas. Formeime no seminario castrense Juan Pablo II e ordeneime no 2012, na catedral das Forzas Armadas, en Madrid.

-¿Como é o seminario castrense?

-Está en Madrid, nun edificio de Defensa e para entrar, como vas ser oficial do exército, é imprescindible ser español, ter a selectividade, porque hai que facer unha carreira, e pasar unhas aptitudes físicas e psíquicas.

-¿Cal é a súa función como sacerdote militar?

-A miña función é, principalmente, o acompañamento ético, moral e o apoio relixioso. Ese apoio cando máis se nota é en caso de guerra, porque o capelán, ou pater, como nos chaman cariñosamente, ten que ir con eles e estar en liña de batalla para, por exemplo, dar a extremaunción. En todas as partes onde hai militares españois hai capeláns. Ata nos barcos.

-¿Como é que veu pasar a Semana Santa de Carballo?

-Estou de baixa porque me picou un escorpión nunhas manobras. Non sei como doerá unha bala, pero os escorpións non quedan atrás.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
9 votos

«Hai capeláns en todos os sitios nos que hai militares españois»