Lonely Planet recomenda O Ézaro e máis Fisterra

A célebre guía internacional de viaxes inclúe a Costa da Morte no seu último traballo sobre Galicia

Cascada de O Ézaro, iluminada
Cascada de O Ézaro, iluminada
LA VOZ

A célebre guía Lonely Planet, seguida por millóns de viaxeiros en todo o mundo, publicou onte no seu Twitter un enlace a unha reportaxe sobre a «guía final» de Galicia. Algo habitual nesta e noutras publicacións, que se repite en outros momentos do día, aínda que hai que ter en conta o pequeno detalle de que a rede social da empresa ten preto dun millón de seguidores, audiencia potencial instantánea para ler as súas recomendacións, ás que hai que sumar as da propia web, que son multitudinarias. A boa noticia para a bisbarra é que a Costa da Morte sae ben parada nesta reportaxe, cunha cita específica e outra a Fisterra. E unha das escasas fotos que aparecen no traballo é a da cascada do Ézaro, iluminada pola noite, que liga a Fisterra e cita aspectos habituais, como a de ser a única de Europa que desemboca no mar.

En realidade, a información achégase a lugares comúns: Fisterra chámase así porque o bautizaron os romanos ao pensar que, en efecto, era o último lugar do mundo. Engade Lonely Planet (en inglés) que o sito está fóra das estradas principais, pero que os que se aventuren a chegar ata a zona serán recompensados con «impresionantes sendeiros para excursionistas» sobre o océano Atlántico, ademais da citada cascada do Ézaro.

Un feito a pasar por alto é que queda encadrada nas Rías Baixas, ao igual que a Costa da Morte no seu conxunto aparece no epígrafe das Altas. Sobre a comarca en si, a cita que figura ten que ver coa orixe do seu nome, dende os afundimentos históricos ata outra catástrofes recentes, como a do Prestige.

Nunha guía anterior, de principios da década pasada e tamén en versión web, Lonely Planet describía a Costa da Morte dunha maneira mítica, case épica, de grandes cantís, pobos remotos de pescadores e crenzas en bruxas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos

Lonely Planet recomenda O Ézaro e máis Fisterra