O Nadal carballés comezou con un espectáculo máxico

En Vimianzo xuntáronse ducias de pandereiteiras na Casa da Cultura

El grupo Arume de Berdillo realizó una actuación espectacular y muy aplaudida
El grupo Arume de Berdillo realizó una actuación espectacular y muy aplaudida

carballo / la voz

Non é habitual atopar nunha igrexa un espectáculo de maxia. E menos a un personaxe malvado coma o señor Scrooge, de Conto de Nadal, do escritor británico Charles Dickens. Porén, onte o templo de San Xoán Baustista de Carballo deulle a benvida ao Nadal dese xeito grazas ao diácono Andros Iglesias, un namorado da relixión e da maxia case a partes iguais. As duascentas persoas que ateigaban o templo gozaron, sen deixar de prestar atención, de dez minutos de audiovisual no que se mesturaban música, imaxes, luces, humor e trucos de maxia, e no que, por momentos, semellaba un predicador estadounidense.

As mensaxes de Andros Iglesias, mentres sorprendía con panos, cordas e lume, eran de optimismo: «Non hai que perder a esperanza», e centrarse nas «cousas que realmente importan». Nesta listaxe non entran os cartos, dos que dixo que «non o son todo, acábanse», por iso chamou a vivir o Nadal de «xeito distinto, no só como época de vacacións» e non centrarse soamente «no material».

Onte tamén foi xornada de actividades do nadal en Vimianzo. A Casa da Cultura soneirana acolleu pola tarde a ducias de pandereiteiras de todas as idades da Escola de Música, que interpretaron diferentes cantos desta época do ano.

Citas para Noiteboa e Nadal

O espectáculo de maxia onte na igrexa de Carballo foi o disparo de saída ao Nadal da parroquia de San Xoán Bautista. Hoxe (20.00 horas) inaugúrase o belén e celébrase a Misa do Galo. A continuación farase a cea de Noiteboa en familia no centro social con aqueles que estean sós nun día coma hoxe e con todos os que se queiran sumar.

Mañá será a quenda da representación do nacemento vivinte en Razo (09.45), con reparto de agasallos incluído; do clásico belén de Sísamo (10.45), con recital de panxoliñas e que se repetirá o día de Reis; Cances, organizado pola asociación San Campio (12.00), e San Xoán (12.30), que tamén se poderá ver o de novo o 6 de xaneiro.

Hoxe en Vimianzo

Na capital soneirana haberá hoxe animación polas rúas da vila coa presenza de Papá Noel.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos

O Nadal carballés comezou con un espectáculo máxico